Идентично како и досега, Апелациониот суд одлучи „бомбите“ да бидат доказ и за случајот за набавката на „Мерцедесот“ вреден 600 илјади евра, кој што беше нарачан по желба на поранешниот премиер Никола Груевски.
На вчерашната седница во Апелациониот суд, Обвинителката на СЈО, Фатиме Фетаи, побара „бомбите“ да се слушаат во судницата како доказ против екс министерката Гордана Јанкулоска и екс премиерот Никола Груевски.
Адвокатите на екс министерката и на заменик министерот во МВР, Ѓоко Поповски инсистираа ова барање на СЈО да биде отфрлено, односно „бомбите“ да не бидат доказ во постапката против нив.