Случајот со рускиот дипломат е документиран од институциите, вели Пендаровски

Од:

Претседателот Стево Пендаровски денеска изјави дека случајот со протерувањето на рускиот дипломат од земјава бил документиран и оти не станува збор за импровизација. Нему, нагласи претседателот, му е даден рок од седум дена да ја напушти земјава.

-Информиран сум од пред неколку дена, се разбира како и другите надлежни органи. Од она што го видов случајот беше од надлежните институции документиран, значи не стануваше збор за импровизација, меѓутоа поради природата на работата не можам понатаму да коментирам, рече Пендаровски одговарајќи на новинарско прашање по вацинацијата против Ковид-19 на вакцинален пункт во Куманово.

Во врска со дадениот рок од седум дена за напуштање на државава, Пендаровски истакна дека се водело сметка и за човечкиот аспект, а не само за дипломатската конвенција.

-Се водеше сметка да не биде тоа преку ноќ, тие луѓе имаат семејства, имаат други интереси, не е хумано да постапуваме на таков начин, рече претседателот Стево Пендаровски.

Министерството за надворешни работи денеска информира дека прогласило дипломат на руската Амбасада во Северна Македонија за непожелна личност.

-Министерството за надворешни работи, согласно член 9 од Виенската конвенција за дипломатски односи, одлучи да прогласи еден дипломат на Амбасадата на Руската Федерација за непожелна личност во Република Северна Македонија, стои во соопштението на МНР.

Во оваа насока, додава МНР, на 14 мај 2021 година, во просториите на Министерството за надворешни работи беше повикан амбасадорот на Руската Федерација, при што беше врачена нота со која се наложува на посочениот дипломат да ја напушти територијата на Северна Македонија во рок од седум дена.

Би можело да ве интересира

(ВИДЕО) Пендаровски – Кодели: С. Македонија и Албанија заслужуваат неодложно да ги започнат преговорите со ЕУ

Ана Ололовска

Архиепископот не ја коментира средбата во Истанбул: Прашајте го Пендаровски која е пораката од разговорот со Вартоломеј

Жарко Настоски

Пендаровски за „Анадолија“: Брисел и европските партнери одговорни за одложувањето на процесот на интеграција

Ана Ололовска

Пендаровски – Да Силва Пина: Односите на С. Македонија и Португалија се пријателски со можност за натамошно унапредување

Ана Ололовска

Пендаровски на средба со Вартоломеј: Побрзо решавање на црковниот спор

Катерина Павлова-Николовска

Претседателот Пендаровски утре ќе се сретне со Вселенскиот патријарх Вартоломеј

Ана Ололовска