Следува измена на наставните програми со цел завршување на учебната година на 10 јуни

Од:

Владата на денешната трета седница, којашто се одржа преку видео конференциска врска, донесе Одлука за утврдување на бројот на наставните денови во учебната 2021/2022 година во основните училишта во услови на вонредни околности.

Со оваа одлука бројот на наставните денови во учебната 2021/2022 година во основните училишта во услови на вонредни околности се утврдува на 172 наставни денови, што значи дека зимскиот распуст на учениците ќе трае до 1 февруари 2022 година, а учебната година ќе заврши на 10 јуни 2022 година.

Одлука со истата содржина е донесена и за средните училишта, што значи дека и во овие образовни институции бројот на наставните денови во учебната 2021/2022 година во средните училишта во услови на вонредни околности се утврдува на 172 наставни денови односно 158 наставни денови за завршната година на средното образование, зимскиот распуст на учениците ќе трае до 1 февруари 2022 година, а учебната година ќе заврши на 10 јуни.

Одлуката за почетокот на второто полугодие во основните и средните училишта за први февруари годинава е донесена на претходната седница на Владата и по препораката на Главниот координативен кризен штаб согласно епидемиолошките информации дека земјата се наоѓа во пик на заразата.

Со денешната одлука се овозможува соодветна адаптација на наставните програми со цел запазување на датумот 10 јуни како краен рок за завршување на учебната година.

Би можело да ве интересира

Второто полугодие ќе започне на 23 јануари

Ана Ололовска

Студентите ги добија средствата за субвенциониран студентски оброк

Ана Ололовска

Директор на училиште во Велес добил снимка со сексуална содржина меѓу професор и ученичка

Ландов

МОН за доцнењето од три месеци: Авторите немаа интерес да достават предлог учебници

Орце Костов

Колева: Платите на наставниците за пет години ги зголемивме за 36 отсто

Митева: МОН платило пола милион евра за скрипти за еднократна употреба