Првичната ревизија на прокетот „Скопје 2014“, кој го подготвија поранешните претседатели на Антикорупциската комисија, од , денеска ќе биде во рацете на обвинителството.
Градоначалникот на Општина Центар Андреј Жерновски лично ќе го однесе документоти како што вели, се надева дека обвинителството и судот нема да потпаднат под политички влијанија и дека ќе ги санкционираат сите констатирани кршења на Законите.
Ревизијата констатира голем број неправилности и тоа од самиот почеток на постапката. Плаќано е повеќе отколку што било предвидено, во четири очи биле договорите за износите, некои од спомениците се уште не се поставени иако се платени, избрани се едни, а договорите се склучени со други автори.
Според Тасева и Малинковски, споменикот на Методија Андонов Ченто требало да чини неколку илјада евра, но за него се потрошени 1 милион евра.
Споменикот на Никола Карев, поставен пред Собранието на РМ, требало да се направи од бронза и да чини 5 милиони денари, но потоа со нова одлука и со потпис на тогашниот градоначалник Тодоровиќ, сугерирано е да се направи од мермер за цена од 45 милиони денари. Сепак, секој што ќе помине пред Собранието, може да види дека скапо платениот споменик сепак е направен од бронза.
По три месеци ќе следува комплетна ревизија од Комисијата за „Скопје 2014“, а наредниот месец и Државниот завод за ревизија влегува во чешлање на документацијата.