Тим на Специјалното јавно обвинителство во Советот на јавни обвинители образложува зошто се откажа од судење за предметот „Пуч“, во кој беше обвинет и опозицискиот лидер, Зоран Заев.
Катица Јанева минатата недела имаше средба со претседателот на Советот за јавни обвинители, Петар Аневски кој по средбата кажа дека СЈО дополнително ќе појаснува зошто се откажале од „Пуч“ и дека ќе бараат увид во целата документација.
Од СЈО пак образложија дека се откажуваат од предметот бидејќи е во спротивност со доказите и наодите во истражните постапки „Таргет“ и „Тврдина“.