Маратонот за постигнување договор меѓу ВМРО-ДПМНЕ, СДСМ, ДУИ и ДПА со медијаторство на меѓународната заедница, продолжува. Ниту вчера не беше постигнат договор.
Според извори на А1он од преговарачките тимови, гласањето на дијаспората, начинот на носење на одлуки во Државната изборна комисија, и прочистувањето на избирачкиот список сеуште се отворени прашањата.
Белгискиот експерт Питер Ванхауте, вчера имаше билаерални средби со преставниците на политичките партии, и денеска ќе го доработува предлог-законот за изборните правила, вградувајќи ги забелешките што ги дале партиите.
Во недела, според наши информации, треба на маса да ја стави конечната верзија, која би требало да биде прифатлива за сите страни .
Од преговарачките тимови за детали од предлог-законот се молчи за да не се наруши процесот на преговори.
Рокот за постигнување на договор за новите изборните правила и за Избирачкиот список беше 6 октомври.
Т.Ц.