Градоначалникот на општината Шуто Оризари, Елвис Бајрам, инаку син на актуелниот пратеник од владеачката коалиција, Амди Бајрам, го претепал потпретседателот на изборната комисија во општината, вели шефот на кабинетот на Неждет Мустафа од Обединетата партија за еманципација на Ромите, пренесе 24 Вести.
Денеска Елвис Бајрам влегол во просториите на ДИК во општината Шуто Оризари и без никаква причина го нападнал потпредседателот на општинската изборна комисија и му нанел телесни повреди, по што бил пренесен во болница.
Телевизијата 24 Вести се обидела да стапи во контакт со Елвис и со Амди Бајрам но тие не одговараат на мобилните телефони. На телефонот не одговара Амди Бајрам, иако телефонот му е службен, од Собранието.