Шекеринска во Вашингтон: Добивме силни пораки на поддршка и честитки за лидерството, партнерството со САД продолжува

Од:

Вицепремиерката и министерка за одбрана Радмила Шекеринска ја завршува посетата на Вашингтон. Последниот ден од посетата таа имаше средби со конгресмените Мајк Тарнер и Адам Смит, на кои беа повторени пораките на поддршка за членството на Македонија во НАТО и честитките за одлучноста во решавањето на спорот кој стоеше на нашиот пат кон Алијансата.

Како што соопшти Министерството за одбрана, на средбите беше потврдена одличната билатерална соработка во одбраната меѓу двете земји, која, со новата позиција на Северна Македонија во НАТО, ќе биде интензивирана.

И со конгресмените Шекеринска зборуваше за потребата од забрзување на ратификацијата на Протоколот за членство, за што поскоро успешно заокружување на процесот на пристапување на Северна Македонија како 30.земја членка на НАТО.

– Тоа е важно не само за нашата земја туку за безбедноста на целиот регион и ќе ја прошири пораката низ целиот Балкан – дека со соработка и решенија на проблемите, просперитетот е загарантиран, рече министерката.

Истата порака за поддршка Шекеринска ја пренесе и на состанокот со Хедер Конли и влијателни американски професори и екперти во Центарот за стратегиски и меѓународни студии(ЦСИС), на средбата во Меѓународниот републикански институт (ИРИ) со претседателот Даниел Твининг и на средбата со претседателот на Националниот демократски институт (НДИ), Дерек Мичел.

– Ја завршуваме посетата на Вашингтон. По средбата со американскиот секретар за одбрана Шанахен, средбите во Пентагон, во Стејт Департментот, во Белата куќа, имавме и повеќе средби во Сенатот и американскиот Конгрес. На сите средби ја испративме истата порака – час поскоро да се ратификува протоколот за пристапување на Северна Македонија во НАТО. Добивме силни пораки на поддршка и честитки, за лидерството, за храброста, за одлучноста, во решавањето на проблемите и вртење кон иднината. Нашето партнерство со САД продолжува и тоа ќе биде плус за нашата стабилност, за нашите стратешки цели но и за нашата економија, рече министерката Шекеринска.

Би можело да ве интересира

Шекеринска: Секогаш ќе стоиме зад универзалните вредности

А1он

Шекеринска: Одбележувањето на последната ратификација од НАТО протоколот е лекција за успех

А1он

(ВИДЕО) Ременски: Медиумите навивачки известуваат за сопругот на Ременски, а не и за јатрвата на Шеќеринска

Искра Манојлоска

Сасоли: Одам во Албанија за да ја потврдам силната поддршка за започнување разговори за пристап со Албанија и Северна Македонија

(ВИДЕО) Шекеринска: Без Договорот од Преспа, нема членство во НАТО

Предраг Петровиќ

Шекеринска: Од 1 март дополнителни 7.000 денари за сите припадници на Армијата