Шекеринска во САД на средби во Пентагон и Белата куќа

Од:

Вицепремиерката и министерка за одбрана Радмила Шекеринска престојува во работна посета на САД, каде следните денови ќе има средби со високи претставници во Пентагон и Белата куќа, со сенатори, конгресмени и НАТО дипломати.

Шекеринска, како што соопшти Министерството за одбрана, ќе има воведно излагање на Конференцијата на НАТО за градење интегритет на тема „Градење на способни и одговорни институции за зајакнување на нашите партнерства“, заедно со помошник генералниот секретар на НАТО за политички прашања и безбедносна политика, Алехандро Алваргонзалез.

За време на посетата, таа ќе учествува во дебата организирана од влијателниот тинк тенк Германски Маршалов фонд на тема „НАТО и пошироко“ и ќе одржи предавање на Колеџот за меѓународна безбедност.

САД се една и од најважните членки на НАТО и стратешки партнер кој континуирано го поддржува членството на Република Северна Македонија во НАТО. На средбите министерката Шекеринска ќе зборува за подготвеноста на нашата земја за членството во НАТО како одговорен сојузник и ќе побара поддршка за побрза ратификација на НАТО протоколот во САД, се наведува во соопштението на Министерството за одбрана.

Би можело да ве интересира

Американски генерал пренесува искуства од борбата со вирусот во Јужна Кореја

А1он

Њујорк го тресе епидемија, градоначалникот и гувернерот бараат итна помош од Вашингтон

А1он

„Тагешпигел“: САД пресретнале заштитни маски наменети за Германија

А1он

ВИДЕО: Зголемена продажбата на огнено оружје во САД во време на пандемијата

А1он

За две недели во САД околу 10 милиони луѓе останале без работа

Ана Ололовска

Пентагон купува 100.000 кеси за телата на умрените нод коронавирусот

Ана Ололовска