Протест ќе се одржи пред Основниот суд Скопје 1 претпладнево на кој Шарената револуција ќе бара ослободување на членовите на Левица, Здравко Савески и Владимир Куновски, чие судење беше одложено трипати, а закажано е за денеска.
Во 18 часот ќе се протестира пред седиштето на Специјалното јавно обвинителство. Здравко Савески и Владимир Куновски се веќе 45 дена во куќен притвор. Тие се обвинети за демолирање на канцеларијата на претседателот Ѓорге Иванов.
Ослободување на демонстрантите од притвор е едно од барањата на Шарената револуција.