Села и Гаши до ДУИ: Или Зибери премиер или одете си во опозиција

Од:

Коалицијата Алијанса за Албанците – Алтернатива на Зијадин Села и Африм Гаши, од денешната прес-конференција им порача на ДУИ, доколку со Заев не успеат да се договорат за Премиер Албанец, да си заминат во опозиција.

Како што велат од коалицијата, ДУИ треба да си остане на зборот и премиерот Албанец да има мандат од четири години како што ветиле на изборите, а не ротирачки модел со учество од една или две години, затоа што според нив тоа е манипулација со гласачкото тело. Доколку ДУИ договори коалиција со Заев под овој услов, тие ќе го поддржат предлогот Насер Зибери да биде избран на премиерската функција.

„Иако не сме легитимни победници на изборите на 15 Јули во албанскиот политички камп, ние нема да влеземе во преговори, се додека ДУИ не го исполнува предизборното ветување за Премиер да биде Насер Зибери.
Дури, како што сме кажале, ако во Собранието на Република Северна Македонија доаѓа предлог Насер Зибери да биде Премиер, ние со нашите 12 Пратеници ќе гласаме за истиот. Но, ако ДУИ не успее да го реализира ова ветување, за што има легалитет, таа партиа нема право да биде дел од идната влада и нејзиното место е во опозиција. Или Насер Зибери премиер или одете во опзиција “, рече Скендер Зејд Реџетпи од Алтернатива, во името на коалцијата.

Повторија дека ќе чекаат ДУИ да ги завршат преговорите, па кога ќе добијат покана за средба, тие ќе настапат. На прашањето дали и тие ќе бараат премиер Албанец, велат дека тоа не било дел од нивната платформа.

„Доколку добиеме покана за преговори, ние ќе ги изнесеме нашите барања, а тие се содржани во нашата предизборна платформа. Ние со нашата програма која сакаме да биде дел од програмата на идната влада, бараме подобар живот и оставарување на уставните права на Албанците. Барањето за премиер Албанец беше прелог на ДУИ, кои впрочем немаа програма туку единстевно тоа го понудија“, рече Реџепи.

Од двете партии велат дека засега немале средби со СДСМ и лидерот Заев околу евентуалното коалицирање. Се одржале неколку неформални, како што велат пријателски средби, но немало никакви договори и преговори за влез во Владата.

Би можело да ве интересира

Понижувањето стана секојдневна реалност за Албанците, оваа моноетничка влада ја врати земјата со децении назад, велат од ДУИ

За да оди на протест на поранешната ОВК во Тирана, Ахмети ги откажа настаните на последниот ден од кампањата

Мицкоски до ДУИ: Јас не сум албанофоб, туку криминалофоб кој ги презира криминалците кои во политиката влегоа голтари, а излегоа милионери

Предраг Петровиќ

ВМРО-ДПМНЕ: Албанците не се ДУИ, Мицкоски и ВМРО-ДПМНЕ ниту мразат некого, ниту пак се албанофоби, Османи и ДУИ се тие кои ниту сакаат ниту почитуваат некого

ДУИ: Мицкоски јасно ја откри својата политичка опсесија за контрола врз албанската сцена во Македонија

Горан Наумовски

ВИДЕО: Дел од граѓаните ќе одат со Албанија, дел со Бугарија, ако не продолжи патот кон ЕУ, порача Ахмети од Тетово