Во Собранието денеска седници ќе одржат комисиите за европски прашања, за здравство, Законодавно-правната комисија и постојаната Анкетна комисија за заштита на слободите и правата на граѓанинот.
Предлог – законите за тутун, производи од тутун и сродни производи, за услуги, за акцизите, како и предлог-законите за слободен пристап до информации од јавен карактер, за класифицирани информации и за електронски документи, електронска идентификација и доверливи услуги, сите во второ читање се на дневниот ред на седницата на Комисијата за европски прашања и на Законодавно-правната комисија. Членовите на Зкаонодавно-правната комисија, како што е најавено, ќе дискутираат и по Предлог – законот за инспекциски надзор и Предлог – законот за изменување и дополнување на Законот за државните награди, во прво читање.
Предлог-закон за прекинување на бременоста, во второ читање е единствената точка по која ќе расправаат пратениците на седницата на Комисијата за здравство.
Членовите на постојаната Анкетна комисија за заштита на слободите и правата на граѓанинот ќе имаат јавна расправа на тема „Заштита на човековите права – Пресудите на Европскиот суд за човекови права“.
