Државната изборна комисија (ДИК) денеска на седница треба да разгледа известување од Државниот инспекторат за локална самоуправа, како и упатствата за примена на член 165 став 3 од Изборниот законик и за гласање на слепи лица и лица со оштетен вид.
На дневен ред на седницата се и барањата за добивање овластување за набљудување на Локалните избори 2017 година, поднесени од амбасадите на Руската Федерација и на Република Албанија во Скопје и од Центарот за разбирање и институционална соработка – ЦРИС Скопје.
Треба да биде разгледано и барањето за неприфаќање извршување должност претседател, заменик претседател, член и заменик член на општинска изборна комисија.