Најавите за реконструкција на Универзалната сала наидоа на критика и потсмев во СДСМ кои рекоа дека власта по кој знае кој пат ветува нов лик за салата. Тие потсетија дека уште во 2009 година градоначалникот Коце Трајановски и премиерот Никола Груевски, во предизборната кампања јавно ветиле нова Универзална Сала.
„Стана вообичаено, граѓаните пред секои избори да ги слушаат истите нереализирани ветување од актуелната власт. Срамота е, Владата која само до сега потроши повеќе од 350 милиони евра на “Скопје 2014“, после шест години да соопшти дека дури денес обезбедила 6,5 милиони евра за реконструкција на дотраената концертна сала.
– Ако Владата се откажеше од дел од спомениците, скапите огради или фонтаните, граѓаните одамна ќе имаа нова реконструирана Универзална Сала. Им порачуваме на граѓаните, да се подготват да ја слушаат актуелната власт со истите нереализирани ветувања од пред четири години, кои повторно ќе останат само лаги и големи разочарувања“ соопштуваат од СДСМ.