СДСМ: Од денеска Груевски е амнестирано, аболирано и помилувано лице

Од:

Јавниот обвинител, Марко Зврлевски, оправдувајќи се со застареност, призна кривично дело во случајот милионски поткуп во којшто е инволвиран Никола Груевски.

Скандалозна и срамна е одлуката на Зврлевски, со којашто обвинителот се постави во улога на адвокат на Груевски, наместо да постапи по неговата законска обврска за заштита на интересите на граѓаните на Македонија.

Од денеска Груевски е амнестирано, аболирано и помилувано лице, реагираат од СДСМ по одлуката на обвинителот да не покренува постапка за случајот „Македонска банка“.

-Хаотичното соопштение на Основното јавно обвинителство ја покажува тоталната контрола на Никола Груевски врз судството и е класичен доказ дека во Македонија нема држава туку се е партија.

Самиот факт што во образложението се наведува дека трансформацијата на капиталот на Македонска банка завршил во јануари 2004-та година, потврдува дека обвинителството се впуштило во истрага, за на крајот да ја отфрли кривичната пријава.

Членовите 279, став 2 и 107 став 1 точка 2 од Кривичниот законик предвидуваат дека даночното затајување од овој обем застарува за 20 години.

Јавниот обвинител Зврлевски сервилно одлучи да му служи на оној кој го постави на позицијата и кој може да го разреши, Никола Груевски.

Тоа го направи затскривајќи се зад соопштение на Основното јавно обвинителство, испратено во петок попладне, наместо со јавна отчетност пред граѓаните на Република Македонија. Се работи за мега скандал со договорен кеш од 1.500.000 евра од страна на Никола Груевски.

СДСМ, веднаш штом го добие решението на Основното јавно обвинителство детално ќе се произнесе за случајот, реагираат од СДСМ.

Би можело да ве интересира

(ВИДЕО) Филипче: Македонија заложник на туѓи агенди – ЕУ алармира на влијание од Србија, Унгарија, Русија и Кина

Катерина Ѓуровски

СДСМ: Најдобриот виц оваа година е дека Максим Димитриевски бил коректор на власта, тој е обичен приврзок на Мицкоски

(ВИДЕО) Јанчева: Мицкоски не смее да му писне на Меџити за 200 дивоградби

(ВИДЕО) Шукова: Нов скандал во МВР, милионски тендер за возачки испити заврши кај советник на ВМРО-ДПМНЕ

Горан Наумовски

ВМРО-ДПМНЕ: Чочекот е единственото што СДС знаат да го прават кога станува збор за капитални инфраструктурни проекти

(ВИДЕО) Талески: СДСМ заврши над 90 отсто од патот низ Фаришката клисура, ВМРО-ДПМНЕ повторно се кити со туѓи перја