СДСМ: Мицкоски ја руши потрошувачката кошничка, за да не ја покачи минималната плата

Од:

Христијан Мицкоски, премерот кој не пробал грозје и цреши оваа зима но има саати од 60.000 евра, реши да се пресметува со граѓаните со најниски примања и да го уништува нивниот стандард. Обидот да ја намали вредноста на синдикалната кошничка е со цел да ја оправда политиката на ниски плати и непокачување на минималната плата, велат од СДСМ.

– Преку брутален упад во пресметките кои со години се релевантни, кои тој лично ги користеше за напад додека беше опозиционер, Мицкоски става печат на блокадата на растот на платите и грижата за граѓаните.

СДСМ со месеци предупредува дека ВМРО-ДПМНЕ има една единствена цел, да ги држи граѓаните во постојан економски грч, а покачувањето на платите да биде употребувано само него кога тоа му е политички потребно, односно пред избори.

СДСМ имаше донесено конкретни системски решенија кои Мицкоски намерно ги сруши. Растот на платите со СДСМ беше загарантиран и не зависеше од волјата на ниеден политичар туку од реалните индикатори за квалитетот на животот и трошоците. Денес тоа е минато и уништено директно од Мицкоски.

Ниедна Влада во историјата не го осиромашила својот народ за толку кратко време. Надвор од секаква криза, со стабилизирана инфлација и стабилни финансии, Владата го доведе народот до просјачки стап за неполна година. Економијата е во слободен пад, квалитето на животот на граѓаните се уништува од ден во ден.

СДСМ верува и реализира зголемување на платите, обезбедува стабилни цени и носи реален економски развој. Оваа власт верува во одржување на хаосот, ниските плати, економската несигурност, затоа што само така може да управува со страв и несигурност, се вели во соопштението од партијата.

Би можело да ве интересира

Николовски: ВМРО-ДПМНЕ ја закочи државата и ја заборави Крива Паланка

Која гаранција ќе биде конечно доволна за Мицкоски, прашува Филипче

Филипче: Подготвени сме да разговараме за една изборна единица

Зошто обвинителството не е побарало официјален одговор за сертификатот директно од ETS – СДСМ за отфрлената кривична пријава против Христовски

(ВИДЕО) Тренчевска до Мицкоски: Дали овој пат владејачкото мнозинство ќе го поддржи Законот за помош на настраданите од Кочани?

А1он

СДСМ: Ова е тажно – Oбвинителството е обичен инструмент за власта

А1он