Уште едно алиби обраќање на антизападниот Христијан Мицкоски од Конвенцијата на која лично тој си го бира својот фаворит, својот кандидат кој со него треба да застане против НАТО и ЕУ, реагираа од СДСМ преку соопштение на обраќањето на Конвенцијата во Струга на лидерот на ВМРО-ДПМНЕ, Христијан Мицкоски.
„Мрачното обраќање на Мицкоски многу добро го отсликува него и состојбата во којашто се наоѓа: „чудовишта“, „џелати“, „кризи“, „исклучувања“, „жолти картони“, „на колена“…Нема поголемо разочарување за земјава од однесувањето на Христијан Мицкоски и делувањето против НАТО и ЕУ.
Од една страна се граѓаните, СДСМ, мнозинството, кои Република Северна Македонија ја носат напред кон светла иднина во НАТО и ЕУ. Од друга страна е осамениот Мицкоски обземен со мракови и деструкции, со мрачното време на режимот на неговиот Никола Груевски.
СДСМ е за економија, за прогрес, за реформи, за безбедност. Затоа сме ЗА НАТО, затоа сме за ЕУ. Штета што на Мицкоски и ова ракаоводство на ВМРО-ДПМНЕ тоа им пречи. Мицкоски нека не бара алиби, туку да се подготви за убедлив изборен пораз на слободни, фер и демокартски претседателски избори“, се вели во реакцијата на СДСМ.
