Предлогот на претседателот на ВМРО-ДПМНЕ, Христијан Мицкоски, изборите да се одржат на крајот од август, односно септември, не е прифатлив за лидерот на СДСМ, Зоран Заев, кој на лидерската средба посочил дека тогаш се очекува нов пик, а тоа е поголем ризик за здравјето на граѓаните, брифираат за „А1он“, партиски извори од лидерската средба.
Аргументите на Заев се прифатливи и за ДУИ, кои го поддржале на средбата.
Исто така, Заев му рекол на Мицкоски дека изборите во септември, значат загрозување на здравјето, демократијата, но и економијата, бидејќи тоа е долг период без Собрание, што е неодговрна постапка.
Претходно, Мицкоски, на лидерската средба ги спорел документите доставени од Комисијата за заразни болести, ДИК и ОБСЕ/ОДИХР, иако тие се сериозен аргумент изборите да се одржат што е можно побрзо.