СДСМ со сопштение реагираше на прес конференцијата на ВМРО-ДПМНЕ на која Сашо Стефановски посочи дека на Црвенковски народот не му верува.
„Секоја нова прес конференција на ВМРО-ДПМНЕ сведочи за безидејноста и конфузијата во владејачката партија.
Не ни очекувавме дека ВМРО-ДПМНЕ ќе ги поздрави митинзите на СДСМ затоа што покажуваат дека граѓаните масовно протестираат против нивните погрешни политики.
Никола Груевски и неговите гласноговорници продолжуваат со нивните лажни, срамни и веќе досадни конструкции.
Никола Груевски е политичарот со најголем стаж во владите на РМ. Четири години како министер и шест години како премиер. Единствено што успеа е да ја направи Македонија шампион во мизерија и сиромаштија, рекордер во невработеност, земја без инвестиции, изолирана и без никаков напредок во евроатланстските интеграции“, пишува во соопштението на СДСМ.