„Коце Трајановски до сега требаше да ги замени сите азбестни кровови на средните училишта.
До сега требаше да биде спроведена и гасификација во сите институции, јавни установи и училишта, според неговите декларативни заложби.
Минималните активности што ги има преземено се премалку и предоцна за градоначалник на Скопје.
Енергетската ефикасност воопшто не е приоритет на политиките на Коце Трајановски. Само еден пример е фактот дека Коце Трајановски ги менува фасадите во центарот на Скопје со барокни и со изолација, но само од едната страна на зградата. Наместо да ги доврши започнатите згради, Коце Трајановски започнува нови згради само за да им даде барокен изглед.
Коце Трајановски се изгуби во раскошот и луксузот и целосно има заборавено на енергетската ефикасност и одржливиот развој на градот.
За жал и оваа зима скопјани ќе се задушуваат во смог и нивните автомобили ќе пливаат по поплавени улици“, се вели во реакцијата на СДСМ, на изјавата на Коце Трајановски.