„Дупките по градските сообраќајници се полоши и поопасни и од калдрма. Катастрофалната состојба на улиците ја нарушува безбедноста на сообраќајот со што е загрозена безбедноста на граѓаните. Возачите со право реагираат дека ги искршија автомобилите по битолските улици.
Ова е уште една потврда дека ВМРО-ДПМНЕ и Владимир Талески немаат капацитет, ниту визија да се справат со вистинските проблеми со коишто се соочуваат битолчани“, изјави советникот во Општина Битола од редовите на СДСМ, Горан Козаров.
„Срамно и жално е за град со буџет од 27 милиони евра годишно, да има ваква катастрофална патна инфраструктура.
Градоначалникот Талески наместо да се занимава со сомнителни тендери, купување на награди од странски држави со народни пари за задоволување на сопственото его, нека се позанимава со проблемите на граѓаните на Битола.
Ако веќе Битола нема нормални градски сообраќајници, градоначалникот Талески и ВМРО-ДПМНЕ се должни да им одговорат на битолчани за што потрошија 250 милиони евра, пари на граѓаните во изминатите 10 години“, рече Горан Козаров.