Јован Митревски, координатор на пратеничка група на СДСМ рече дека синоќа пратениците од мнозонството биле подготвени да донесат одлука со која на судот ќе му овозможат непречено да продолжи со процесот за 27 април, но Џафери ја прекина седницата и не дозволи гласање. Џафери и должи одговор на јавноста зошто ја прекина сендицата, рече на денешната прес-конференција, Митревски.
Кворум имаше и подготвеност имаше, бараме приниципиелност. За Вељаноски мора да важат истите процедури и правила како и за сите други. По синоќешните случувања, СДСМ не присуствувале на координацијата кај Џафери, рече Митревски.
Денес нема услови да продолжат останатите активности во Собранието, рече Митревски и додаде дека јавноста бара одговори дали синоќа имало некакви калкулации.
Митревски не одговори на прашањата на какви калкулации алудираат и дали и СДСМ се вмешани, а одби одговори и што се случи со барањето за одземање на имунитетот на пратеникот Љупчо Димовски кое остана на дневен ред на седница, која не се одржа по повеќе од еден месец.
Галена Николовска-Ризвановиќ