Поранешниот директор на Управата за безбедност и контраразузнавање Сашо Мијалков вечерва беше уапсен во неговиот хотел „Мериот“ во центарот на Скопје, на барање на Специјалното јавно обвинителство поради опасност од бегство и однесен истражниот затвор „Скопје“.
Притворот на Мијалков, на барање од СЈО му е одреден за случајот “Таргет и Тврдина”, кој се однесува на масовното нелегалното прислушување. Двајцата обвинети во случајот , неговите луѓе во УБК, Горан Грујевски и Никола Бошковски, избегаа од Македонија и побараа политички азил во Грција. Грчкиот суд одлучи тие да не бидат екстрадирани во Македонија, повикувајќи се на аболицијата на претседателот Иванов.
Мијалков веќе подолг период е без својот пасош кој му беше одземен како мерка на претпазливост, но поради опасност од бегство му е одреден притворот.
СЈО не побара притвор за Мијалков за случајот „Империја“, каде што е исто обвинет заедно со Орце Камчев.