Само две компании ќе добијат казни за неисплатен К 15

Од:

Само две компании ќе добијат казни за неисплатен годишен регрес за 2018 година. Државниот инспекторат за труд по интензивните контроли од почетокот на годинава повел само две постапки за прекршочни пријави против компании што не исплатиле годишен регрес, популарно наречен К15.

Од инспекторатот велат дека од почетокот на годината постапиле по 952 претставки од вработени.

„Донесени се 173 решенија со кои им се наредува на работодавачите да исплатат регрес во определен рок на 2.757 работници. 153 работодавачи постапиле по решенијата на инспекторатот во определениот рок, 18 работодавачи поднеле жалба против решенијата и се чека одлука од Комисијата, и двајца работодавачи не постапиле по решенијата на инспекторатот поради што против нив се поднесени барања за поведување прекршочни постапки“, вели Злате Стојановски, в.д. раководител на Секторот за инспекциски надзор од областа на работните односи во Државниот инспекторат за труд.

Со контролите биле опфатени вкупно 36 илјади работници, а констатирано било дека 90 работодавачи не исплатиле навреме К15. Инспекторатот ги засили контролите откако само во јануари доби околу 300 претставки за неисплатен регрес.

„Во последните два месеца ретки се претставките кои се однесуваат на неисплатен регрес за годишен одмор“, вели раководителот Стојановски.

Информацијата за спроведување исплата на годишен регрес од инспекторат беше усвоена на почетокот на месецов иако Владата ја најави за крајот на февруари.

 

Маја Илиевска-Пачемска

Би можело да ве интересира

Ваучери за брак, слободен ден за роденден: Дефицитот од работници ги принуди фирмите да ги зголемат бонусите

Орце Костов

Работниците со ниски приходи ќе добијат 3.555 ваучери за туризам од 300 евра

Орце Костов

Томовска: Мерката за исплата на регресот за годишен одмор е проблем за правниците, нема законски утврден минимален износ

Нема смртност кај свињите кои се одгледуваат на фармата во која еден работник почина, а друг е во тешка состојба по труење со хемиска материја

Орце Костов

Кавадаречките политичари ги поддржаа работниците: Нема да се дозволи да се изгасне печката во Фени

А1он

Газдите во Македонија не треба да ги отпуштаат мајките кои дојат, млекото е храна за децата, велат од Комитетот за безбедно мајчинство

Орце Костов