Саит Саит е реизбран на функцијата Генерален секретар на Црвен крст на Република Македонија за мандатен период 2018-2022, соопштија денеска од Црвениот крст.
Саити за оваа функција го именувал раководниот одбор на Црвениот крст на РМ на седница што се одржала на 28 ноември 2018 година.
-Саит Саити дипломирал на Факултетот за безбедност, магистрирал на Факултетот за политички науки, дипломатија и новинарство и докторирал на Факултетот за безбедност. Тој учествувал на меѓународни конференции и советувања во земјата и странство, има завршено поголем број на обуки, има изработено научни трудови од областа на здравствениот менаџмент, кризниот менаџмент и меѓународното хуманитарно право.
Саити е на функцијата Генерален секретар на Црвен крст на РМ од 2008 година, долгогодишен активист на Црвениот крст на Република Македонија и член од 1981 година. Од 2000 до 2008 година беше потпретседател на Црвен крст на Република Македонија и претседател на Црвен крст на град Скопје.