РСС бара од ЕУ веднаш да одреди датум за преговори за Северна Македонија и Албанија

Од:

Регионалниот совет за соработка (РСС) ги поддржува препораките на Европската комисија веднаш да почнат преговори со Република Северна Македонија и Албанија, а врз основа на одделните заслуги и достигнувања и да се награди трудот и посветеноста вложени во европеизацијата.

Ова во Берлин го изјави генералната секретарка на РСС, Мајлинда Брегу, на панел на кој присуствуваа премиерот Зоран Заев, Сабина Штохр, функционер од германското Министерство за надворешни работи и членот на Управниот одбор на Дојче Телеком, Томас Крамер.

-Не станува збор веќе за проширување, туку за обединување на Европа, бидејќи Европската Унија не е потполна без Западен Балкан, рече Брегу на годишниот состанок на Здружението на германското стопанство за Источна Европа.

Брегу и Заев имаа и билатерална средба на која се согласија дека добрососедските односи и регионалната соработка и натаму се клучни елементи на процесот на стабилизација и асоцијација и дека регионалната соработка треба да се зголеми.

Разговорите беа посветени на претстојниот самит на ЕУ со Западен Балкан во Познањ, Полска, како и за резултатите за исполнување на Повеќегодишниот план за регионалниот економски простор, соопшти денеска РСС.

Би можело да ве интересира

(ВИДЕО) Арсовска од Чаир: Копаат булевар за диво да се приклучат на водоводна и канализациона мрежа

ВМРО-ДПМНЕ: Кога ќе прозбори Филипче, се шири мирисот на стариот режим на Заев

Единаесет наши државјани чекаат евакуација од Тел Авив, летовите ќе бидат обновени во зависност од безбедносната ситуација

Мицкоски: Успеавме да го амортизираме ударот кој што некој од политичарите во Брисел сакаше да го нанесе врз македонскиот идентитет

Демири: Над 70% од граѓаните живеат со под 500 евра плата месечно, тоа е понижување

Мисердовска: СДС и Венко Филипче на Чучер Сандево, гледаат како на свој партиски бунар за црпење пари, затоа и како свој кандидат за градоначалник повторно го предлагаат Сашко Комненовиќ