Партиите се уште преговараат за законското решение кое треба да овозможи формирање на специјален јавен обвинител кој би ги истражувал наводите од прислушуваните разговори. Во Клуб на пратеници во 14 часот почнува нова средба на работните групи и како што дознаваме се уште се преговара за текстот на законот. За името на специјалниот обвинител е рано да се разговара, брифираат од партиите, иако утре истекува рокот на кој се обврзаа со Протоколот од 14-ти јули.
Според партиски извори синоќа имало извесен напредок и била постигната согласност дека обвинителот треба да има заменици обвинители, но се уште не е утврдено во колкав број тие треба да бидат.
Познато е дека доколку не се договорат, посредниците од Европска унија ќе предложат специјален јавен обвинител кој партиите ќе мора да го прифатат. Сепак, како што велат од таму, прблемот не е персонален, туку потребно е прво страните да се усогласат околу текстот на законот.