Откако поставија прашање за финансирањето на политичката партија, новинарките Габриела Димковиќ – Мишевска и Мери Јордановска од медиумот „А1он“, беа предмет на навреди и закани со тужба од опозицискиот политичар Димитар Апасиев, регистрира меѓународната организација „Репортери без граници“, на нивниот профил на Твитер.
Случајот е евидентиран и на веб-страница за мапирање на слободата на медиумите “Mapping Media, каде што прецизно е евидентирана хронологијата на настаните и упатените навреди од страна на Апасиев кон двете новинарки.
Од „Репортери без граници“ тврдат дека нападите се случуваат од позиција на имунитетот што го ужива политичарот Апасиев.
#NorthMacedonia: After inquiring about a party financing bill, journalist Gabriela Dimkovic-Mishevska & editor Meri Jordanovska of TV channel @A1ONMKD were insulted & threatened with lawsuit by opposition politician @apasiev, an attack made possible by a culture of #impunity. pic.twitter.com/AfLlXQcYFr
— RSF in English (@RSF_en) December 10, 2020
Во друга објава на Твитер, од „Репортери без граници“ тврдат дека вакви „напади“ против новинарки, во последниов период се регистрирани во три балкански држави, Македонија, Србија и во Хрватска.
„Репортери без граници повикуваат на итни истраги. Политичарите, исто така, мора да ги осудат заканите, малтретирањата и оцрнувања кои испраќаат застрашувачки пораки низ целиот регион“, велат од меѓународната организација.
After new attacks against female journalists in 3 #Balkan countries, @RSF_Inter calls for swift investigations. Politicians, too, must condemn the threats, harassment & smearing that have sent out a chilling message across the region. THREAD pic.twitter.com/ojOJXCbWKV
— RSF in English (@RSF_en) December 10, 2020
Лидерот на „Левица“, Димитар Апасиев, со денови, континуирано на социјалните мрежи ги навредува новинарките на „А1он“, а откако беше запрашан дали партијата ќе ги задржи или донира буџетските пари за финансирање.
„Сороспии“, „провладини новинари“, „платеници“, се само дел од навредите кои Апасиев ги упатува кон новинарката Јордановска и се заканува со тужба.
За случајот веќе реагираа Здружението на новинари на Македонија (ЗНМ, Самостојниот синдикат на новинари и медиумски работници (ССНМ), како и Агенцијата за аудио и аудиовизуелни медиумски услуги (АВМУ), кои побараа реакции од надлежните истражни институции.