Регионалната конференција на тема дерадикализација, постапување и ресоцијализација на осудени лица во Западен Балкан ќе се одржи денеска во Скопје.
Конфренцијата е организирана како дел од програмата „Horizontal Facility for the Western Balkans and Turkey”, која е кофинансирана од Европската унија и Советот на Европа, а ја спроведува СЕ.
Конференцијата има цел да ја зголеми соработката меѓу затворските власти во регионот и да иницира размена на позитивни практики за дерадикализација на затворениците и ефективна имлементација на програмите за рехаблитација.
Воведни обраќања ќе имаат министерката за правда Рената Дескоска, раководителот на Секторот на ЕК за цивилно општество и социјална инклузија за Западен Балкан, Лисeлоте Исаксон и Иван Коеџиков, раководител на Секторот за борба против криминалот при Генералниот директорат за човекови права и владеење на правото при СЕ.