ВИДЕО: Разрешени директорите на МЕПСО, ЕЛЕМ, началникот на УБК и десетици други функционери

Од:

Премиерот Зоран Заев најави дека на денешната седница на Владата ќе предложи разрешување на стотина директори на државни и јавни институции и членови на управни одбори.

Меѓу нив најмногу се од АД МЕПСО, компанијата за која имаше најмногу сомнежи за непотизам и конфликт на интереси.

Предлог за разрешување има за директорот на АД МЕПСО Сашо Василевски, Магдалена Чижбановска, директор за финансии во МЕПСО и членовите на управниот одбор во компанијата Ненад Крстевски и Томи Божиновски.

Предлог за разрешување има и за директорот на ЕЛЕМ Драган Миновски, директорот на Агенцијата за лекови МАЛМЕД Ќамил Ибраими, директорот на Државниот архив Кирил Петров, началникот на УБК Горан Николовски и неговиот заменик УБК Ариф Асани, потоа Катерина Ставриќ од Детската клиника која веќе поднесе оставка.

Предлог за разрешување има и за Викторија Рангелова, директорка на Драмскиот театар, за директорот на Агенцијата за странски инвестиции и промоција на извоз Вулнет Адеми, директорот на ЈП МЖ Инфраструктура, Ирфан Асани.

На листата е и членот на надзорниот одбор на Развојна банка, Кирил Колемишевски и директорката на Заводот за заштита на споменици на културата и музеј Охрид, Елеонора Новаковска.

„На некои ќе им понудиме друг соодветен ангажман. Од денеска почнува постапката пред Владата“, рече Заев.

Причините за предлозите за разрешување, според Заев, се сестрани, како недоволна транспарентност, непочитување на процедурите на Владата, дел од нив ќе бидат разрешени поради аферите кои биле објавени во јавноста.

Би можело да ве интересира

Османи: Владата предводена од Мицкоски сака да ги врати Албанците на нивните периферни позиции од пред Рамковниот договор

Горан Наумовски

Мицкоски: Веднаш по изборите ќе има реконструкција на Владата

Митева: ДУИ кога e на власт работи на еден начин, а кога е во опозиција бара нешто друго

Левица: Додека со донации се лечат повредените од Кочани – владата на ДПМНЕ троши милиони за кафе и ЕКСПО 2027

Горан Наумовски

(ВИДЕО) Јанковиќ: Молк во Владата по објавувањето на скандалот со милионските проневери во Еразмус+

Левица: Инфлацијата јаде, владата молчи