Разбиена група што препродавала дрога

Од:

Јавното обвинителство за гонење организиран криминал и корупција во координирана соработка со Секторот за криминалистички истраги – единица за недозволена трговија со дрога при Министерството за внатрешни работи, разби уште една група што во изминатиот период се занимавала со препродажба на наркотици.

– Постапувајќи по поднесената кривична пријава против две лица, надлежниот јавен обвинител до судија на претходна постапка при Основниот суд Скопје 1 – Скопје поднесе предлог за определување на мерка притвор за осомничените. На лицата им се става на товар дека сториле кривично дело – Неовластено производство и пуштање во промет на наркотични дроги, психотропни супстанции и прекурсори од чл.215 ст.3 од Кривичниот законик, соопшти ЈОРМ.

Основите на сомнение, како што велат оттаму, произлегуваат од претходно прибавени докази дека осомничените во септември 2016 година неовластено, а заради продажба купиле и продале наркотична дрога – марихуана со тежина од 805 грама во близина на средното училиште „Никола Карев“ во населбата Карпош во Скопје​.

Едното од лицата, вчера во раните утрински часови е запрено на граничниот премин Деве Баир при обид за излез од Република Македонија и е задржано и лишено од слобода.

Би можело да ве интересира

Кривична пријава за градоначалникот на Кичево, Фатмир Дехари

Катерина Ѓуровски

МВР: Уапсени се две лица, одземено е товарно возило, запленета е стоката

МВР: На социјалните мрежи се појавија лажни објави за телефони, апелираме да не кликнувате на такви објави

За 48 часа МВР „подели“ 1.293 казни на возачи и пешаци

Во акција на МВР и АНБ: Запленето електронски докази, оружје и куршуми

Нападнат полицаец на Водно