Радев и Блинкен зборувале за Македонија по телефон

Од:

Претседателот на Бугарија Румен Радев оствари телефонски разговор со американскиот државен секретар Ентони Бликен, по иницијатива на шефот на дипломатијата на САД.

За време на разговорот, биле дискутирани различни теми, вклучително и стратешкото партнерство меѓу Бугарија и САД, санкциите според Глобалниот акт „Магницки“ против бугарски поединци и компании, соработката во областа на безбедноста и одбраната, закрепнувањето од пандемијата на коронавирусот и евроинтеграциите на Република Северна Македонија и Албанија.

Државниот секретар на САД изрази надеж за забрзување на процесот на европска интеграција за Северна Македонија, при што двајцата соговорници истакнаа заеднички став дека ова е во интерес на стабилноста и безбедноста не само во регионот, туку и во Европа. За време на разговорот, Радев потсети на постојаната поддршка на Бугарија за членство на Република Северна Македонија и повика на постигнување одржливи и неповратни резултати во градењето добрососедски односи.

Претседателот на Бугарија Румен Радев ги дефинираше наметнатите санкции според глобалниот закон „Магницки“ како силен знак за поддршка на аспирацијата на бугарските граѓани за воспоставување демократија, правда и транспарентност. Од своја страна, Ентони Блинкен рече дека ова е придонес на САД во борбата против корупцијата, како и во зајакнувањето на демократијата и унапредувањето на потенцијалот на бугарската економија.

Радев го пофали билатералното партнерство во одбраната и повика на зголемена индустриска соработка во оваа област. Беше потенцирано долгорочното партнерство во модернизацијата на бугарската армија, вклучително и преку воведување модели на модерна воена обука. Блинкен, исто така, го истакна придонесот на Бугарија во стратегијата НАТО 2030 година.

Би можело да ве интересира

Нова средба на Османи и бугарскиот колега Стоев во Анталија

Жарко Настоски

Скопје да ги исполни условите, инаку нема преговори за ЕУ, вели фаворитот на бугарските избори, Слави Трифонов

Жарко Настоски

Заев: Во добар амбиент и меѓусебна доверба, лесно се решават дури и големите прашања

Жарко Настоски

Бугарскиот премиер Јанев: Не отстапуваме, нема да ја одобриме преговарачката рамка за Македонија

Жарко Настоски

Бугарската влада ја потврди позицијата кон Македонија – Софија и натаму вели дека е отворена за дијалог

Жарко Настоски

Бугарија се изолира во ЕУ и НАТО, таа губи најмногу од блокирањето на Македонија, вели бугарски дипломат

Жарко Настоски