Раде Трајковски – Штекли е лицето кон кое беше пукано во гаражните простории во трговскиот центар Ист Гејт, дознава неофицијално А1он. Според нашите извори, другото лице кое е повредено е негов пријател кој заедно со него бил во фитнес центарот во трговскиот центар.
Изворите на А1он велат дека Штекли е полесно повреден, додека пак другото лице е во критична состојба бидејќи му било пукано во стомакот и мора да биде оперирано. И двајцата, според неофицијалните информации до кои дојдовме, биле веднаш пренесени со возила на брзата помош, Раде Трајковски на скопските клиники додека пак лицето кое ќе биде оперирано во старата градска болница, Наум Охридски.
Ова е вторпат да се пука кон Штекли. Првиот пат, на 25 август годинава, исто така во подземните гаражи во Ист Гејт, но тогаш Трајковски не беше погоден. Неговото име претходно се споменуваше поврзано со убиството на младиот фудбалер, Мартин Јанушев, а беше поврзан и со големиот случај со наместени натпревари во италијанскиот фудбал.