Прва венчавка во Кочани по воведувањето на вонредната состојба

Од:

Подрачната канцеларија на Управата за водење матични книги од Кочани попладнево ја направи првата венчавка по прекинот од над два месеца по воведувањето на вонредната состојба во државата поради епидемијата од коронавирусот.

При венчавањето беа почитувани пропишаните мерки за здравствена заштита, односно во просторијата присуствуваа само младоженците, двајцата сведоци и матичарот, за кои беа обезбедени маски и средство за дезинфекција.

– Од почетокот на вонредната состојба, односно од 6 март досега немавме ниту еден склучен брак, така што веќе закажаните венчавки беа одложени. Во меѓувреме имаше барања за венчавка на лицата кои поради остварување некакви законски права, заминување во странство или по други основи имаа потреба да склучат брак, па им дадовме приоритет. За оваа и за наредната недела веќе имаме евидентирано неколку пријави за венчавање и тие ќе бидат реализирани според распоредот што веќе се изготвува, истакна Косте Вучков, матичар во подрачната канцеларија на Управата за водење матични книги од Кочани.

Според Вучков, прекинот во регистрирањето бракови бил најдолг досега, со оглед што никогаш досега не се случило да нема најмалку две венчавки во текот на една недела.

Од увидот во евиденцијата на подрачната матична канцеларија може да се утврди дека просечно годишно во Кочани се склучуваат по околу 300 бракови, а од почетокот на оваа година досега имало само четириесетина венчавки. Со оглед што и понатаму остануваат препораките и мерките за заштита од Ковид-19, најверојaтно бројот на регистрирани бракови во општината ќе биде преполовен.

Би можело да ве интересира

Во Скопје 12 нови жртви на Ковид-19 и 439 заразени во изминатиот ден

Жарко Настоски

1.100 новозаразени со коронавирус, починале уште 30 луѓе

Жарко Настоски

Во македонските болници се лекуваат 1.286 пациенти заразени со коронавирусот

Жарко Настоски

Нема потврда дека лекот фавипиравир има ефекти во лекување на ковид, вели Филипче

Жарко Настоски

Вакцините за Ковид-19 ќе пристигнат кај нас во првите два до три месеци од следната година

Граѓаните над 65 години ќе имаат предност за вакцинирање за Ковид-19

Искра Манојлоска