Александар Лазаров (41) од Кочани, кој беше во бегство откако избега од Полициската станица во Кочани, е лишен од слобода, соопшти Министерството за внатрешни работи.
Според МВР, на 14 јули 2026 година, по добиени оперативни информации, полициски службеници од СВР Скопје – Одделение за потраги го привеле Лазаров, за кого претходно беше распишана централна и меѓународна потерница.
Потерницата беше распишана по барање на Основниот суд Кочани, бидејќи Лазаров е осомничен за кривично дело „Неовластено производство и пуштање во промет наркотични дроги, психотропни супстанции и прекурсори“ од член 215 став 1 од Кривичниот законик.
По приведувањето, Лазаров е спроведен во Полициската станица Кисела Вода, каде ќе се преземаат понатамошните законски дејствија.
