А1он

  • Почетна
  • Македонија
  • Економија
  • Регион
  • Свет
  • Магазин
  • Спорт
  • Култура
  • Видео
  • Скен
FacebookTwitterYoutube
А1он
Од: А1он
Македонија

Прва автоматска станица за метеоролошки мерења во Градот Скопје

by А1он20/06/2013 - 09:33115
Share0

Скопскиот плански регион денеска ќе ја пушти во употреба првата автоматска метеоролошка станица во Скопската котлина, што претставува почеток на градењето на мрежата за мезометеоролошки мерења на Градот Скопје.

Добивај вести на вибер

Станицата ќе мери температура на воздухот, релативна влажност, правец и брзина на ветерот и количеството на врнежи и ќе овозможи континуирано следење на временските прилики во Скопје во текот на годината. Со повеќегодишното мерење, пак, ќе се добијат показатели за промените на климата во Скопската котлина.

Станицата е сместена во дворот на ОУ „Петар Поп Арсов“ во општината Карпош. Податоците од мерната станица ќе ги прибираат стручни лица од Управата за хидрометеоролошки работи (УХМР), а ќе бидат достапни на Интернет-страниците на Центарот за развој на Скопски плански регион, Градот Скопје и другите градски општини.

Европската регулатива налага следење на микроклиматските услови во градовите со повеќе од 100.000 жители, а крајната цел е добивање податоци и информирање на јавноста за промената на метеоролошките елементи и појави под влијание на урбаната средина.

Потребата од воспоставување мезометеоролошки набљудувачки систем во урбаните средини е значајна и заради негативното влијание на климатските промени врз сите сегменти од урбаното живеење. Особено внимание се посветува на здравјето на луѓето, при појава на екстремни температури, односно топлотни бранови и долготрајни периоди со појава на „езера на студен воздух“.

Проектот за реализација на мезометеоролошките мерења е реализиран од страна на Центарот за развој на Скопски плански регион со финансиска поддршка на Владата на Република Македонија, односно Бирото за регинален развој при Министерство за локална самоуправа и Градот Скопје. Во вкупната вредност на проектот од 372.880 денари, Министерството за локална самоуправа учествува со 252.960 денари, а Градот Скопје со 119.920 денари.

Градот Скопје, Центарот за развој на Скопскиот плански регион и УХМР ќе ја продолжат својата соработка за изградба на градската мрежа за мезометеоролошки мониторинг со поставување нови мерни места на повеќе локации во градот и опкружувањето.

vreme

Би можело да ве интересира

Студено утро, преку ден сончево со температура до 23 степени

А1он21/10/2024 - 07:5521/10/2024 - 09:51

Почнува летното сметање на времето

Предраг Петровиќ30/03/2024 - 07:52

Утре и в недела на планинските превои возете внимателно, со зимска опрема и доволно гориво, апелира ЦУК

А1он19/01/2024 - 19:4919/01/2024 - 19:51

Максимална температура денеска до 9 степени, утрово најстудено во Маврово и Берово

А1он12/01/2024 - 07:5012/01/2024 - 08:16

Времето денеска облачно и дождливо, се очекува снег на планините

А1он07/01/2024 - 08:45

Денес и во деновите од викендов дожд и грмежи, потопло од понеделник

Горан Наумовски16/06/2023 - 07:1916/06/2023 - 15:59
FacebookLike
TwitterFollow
InstagramFollow
YoutubeSubscribe

НАЈЧИТАНИ.

  • Facebook
  • Twitter
  • Instagram
  • Youtube
  • Импресум
  • Контакт
  • Маркетинг
  • Услови за користење

@2019 - A1on. Сите права задржани.

@2019 - A1on. Сите права се задржани
А1он
FacebookTwitterYoutube
  • Почетна
  • Македонија
  • Економија
  • Регион
  • Свет
  • Магазин
  • Спорт
  • Култура
  • Видео
  • Скен