Пациент, странец кој потекнува од Велика Британија бил примен на инфективната клиника со симтоми на ебола, при што бил неконтактибилен и по некое време починал.
Британецот престојувал во хотелот „Супер 8“ зад трговскиот центар Мавровка, од каде бил пренесен на инфетивната клиника. Неговиот пријател кој бил во земјава со него, персоналот на хотелот како и екипата на брзата помош се ставени во карантин.
Иако имаше информација дека британскиот државјанин престојувал во некоја од ризичните земји, односно бил во Нигерија, сепак тоа беше негирано од неговиот пријател, кој неофицијално веќе ги пројавил истите симптоми-внатрешно крварење.
Врз пациентот ќе биде изврѓена обдукција, а материјалите од брисевите се испратени во странство по што за 48 часа ќе биде јасно-дали британскиот државјанин има ебола или пак некој вид треска.
Македонските власти ги преземаат сите заштитни протоколи предвидени за ваков случај согласно светските стандарди. Властите веднаш ќе ја информираат Светската здравствена организација, со оглед дека симптомите биле многу слични на ебола, иако телесната температура кај пацинетот била 37, 5 степени, а за овој вирус е карактеристична температура од 38, 5 степени.