МВР известува дека во Скопје на 08,09 и 10.06.2021 година (вторник, среда и четврток) во временскиот период од 15.00 до 17.00 часот најавен е протест организиран од страна на политичката партија ВМРО-ДПМНЕ, поради што во овој временски период за сообраќај ќе бидат затворени – крстосницата помеѓу бул.„Гоце Делчев“ и бул.„Крсте Петков Мисирков“ (ТЦ Мавровка), крстосницата помеѓу бул.„Св. Климент Охридски“ и ул.„Св.Кирил и Методиј“ (зграда на Нова Македонија) и крстосницата помеѓу ул.„11-ти Октомври“ и ул.„Филип Втори Македонски“ (Градска болница).
Секторот за внатрешни работи Скопје ќе преземе мерки за посебен режим на сообраќајот на горенаведените и околните сообраќајници.
Министерството за внатрешни работи апелира до граѓаните да ги почитуваат наредбите што ги издаваат полициските службеници.
ВМРО-ДПМНЕ денеска најави дека ќе одржи „предупредувачки“ протести во единаесет македонски градови, со барање документот за којшто според опозицискиот лидер Христијан Мицкоски преговараат премиерот Зоран Заев и специјалниот претставник Владо Бучковски со техничката влада во Бугарија, да биде ставен на увид на јавноста.
