Протестна нота на Србија до македонската амбасада во Белград за згрешената поштенска марка со „Голема Хрватска“

Од:

Српското Министерството за надворешни работи денеска му врачи протестна нота на амбасадорот на Македонија во Белград, по повод печатењето и објавувањето на поштенска марка на која се наоѓа географска карта на фашистичката Независна држава Хрватска (НДХ), соопштија од министерството.

Како што јави дописникот на МИА од Белград, српското МНР побара спорната поштенска марка веднаш да се повлече од оптек и нејзинот печатење и објавување да биде осудено од Владата на Република Северна Македонија.

-Министерството за надворешни работи на Република Србија го искажува својот најостар протест против печатењето и објавувањето на поштенска марка со географска карта на фашистичката Независна држава Хрватска, во која се вклучени делови од Република Србија се до Белград, делови од Црна Гора и цела Босна и Херцеговина, а чие споменување евоцира спомени на граѓаните на Република Србија и на српскиот народ како целина во најтемниот период во поновата историја. Ваквите обиди за историски ревизионизам грубо ги нарушуваат билатералните односи меѓу Република Србија и Република Северна Македонија, како и соработката и стабилноста во целиот регион, се наведува во протестната нота на српското МНР.

Во нотата се додава дека објавувањето на ова марка, на Денот на победата над фашизмот, се сфаќа како непријателска провокација насочена против територијалниот интегритет и суверенитет на Република Србија, како и навреда за целиот српски народ, кој во концентрационите логори на истата НДХ, страдаше со стотици илјади за време на Втората светска војна.

Министерството за надворешни работи на Република Србија бара спорната поштенска марка веднаш да се повлече од оптек, како и нејзиното печатење и објавување најостро да се осуди од страна на Владата на Република Северна Македонија, во спротивно, Министерството за надворешни работи на Република Србија ќе преземе понатамошни чекори за да ги заштити интересите на Република Србија.

Би можело да ве интересира

(ВИДЕО) Блокадерите запреа автомобил во кој имаше родители со мало бебе

Протест пред Палатата на правдата во Белград поради апсењето на студенти

Нови апсења во Србија: Уапсени се двајца осомничени за повикување на насилна промена на власта

Горан Наумовски

(ВИДЕО) РТС: Протести во Земун и пред ВЈТ во Белград поради притворањето на група студенти

Горан Наумовски

(ВИДЕО) B92: Блокадерите планираат блокада на Палатата на правдата и нови напади

Студентите повикуваат на граѓанска непослушност во сите општини во Србија