Како што информираат од Средношлолскиот Пленум на Куманово, денеска со почеток од 14:30 часот пред гимназијата „Гоце Делчев“ ќе започне четвртиот протест на средношколците од македонска и албанска националност.
Барањата се исти и понатаму, т.е укинување на Законот со кој математика е трет задолжителен предмет за полагање државна матура.
Ученици од 5 средни училишта денеска со поддршка на ученици од деветто одделение од основните училишта од гимназијата протестот ќе го продолжат кон локалното претставништво на МОН.
На вчерашниот протест имаше околу илјада средношколци, кои без разлика на националност, вера и култура, бараа промена на законот за средно образование, информираат кумановските матуранти.
