Тркалезна маса и промоција на анализата „Сликата за Ромите во македонските медиуми“ на новинарката и публицист Севдија Д. Абдулова ќе се одржи денеска во Скопје.
Анализата е направена со претходен едномесечен мониторинг на македонските електронски, пишани и интернет медиуми каде беа опфатени сите национални, регионални и локални медиуми.
„Сликата за Ромите во македонските медиуми“ е студија која е прва од ваков карактер во чија изработка учествуваа Роми аналитичари и монитори.
Публикацијата е издадена во рамки на проектната активност на Едукативниот и медиумски развоен центар на млади Роми „Асоцијација 24вакти”, која е составен дел на проектот Заедничка иницијатива за зајакнување на ромското граѓанско општество на Западен Балкан и Турција поддржан од Европската комисија.