Aкцијата за зачувување на автентичниот лик на Градскиот трговски центар во Скопје, под наслов „Го сакам ГТЦ“ ќе продолжи со различни форми на креативно изразување, јавно говорење и институционални реакции, најауваат организаторите на оваа граѓанска иницијатива. Деталите за натамошниот тек на акцијата же бидат соопштени утре на прес- конференција која ќе се одржи на платформата од ГТЦ кон паркот „Жена – борец“, со почеток во 11 часот.
Серијата настани во склоп на иницијативата „Го сакам ГТЦ“ започна во јуни 2013-та година како реакција на проектот за нова фасада и доградба на Градскиот трговски центар со кој целосно би се уништила архитектурата на објектот, како и неговата урбанистичка улога на „улица“ низ централното градско јадро.
Иницијативата Го сакам ГТЦ е започната од Асоцијација на архитекти на Македонија со поддршка од професионалци од релевантни области, невладини организации и граѓани кои го сакаат и ценат ГТЦ. Идејата за зачувување на автентичноста на ГТЦ доби поддршка и од Здружението на сопственици на деловен простор во ГТЦ и жители на станбените кули.