Притвор за двајца Авганистанци кои претепале и ограбиле Индиец во близина на Табановце

Од:

Основното јавно обвинителство Куманово поведе постапка против двајца Авганистанци, на возраст од 31 и 25 години, поради постоење на основано сомнение дека го сториле кривичното дело разбојништво.

„Осомничените на 13.09.2021 година, во место викано Чифлик, во атар на с. Табановце, со употреба на сила и сериозна закана одзеле од оштетениот, државјанин на Индија, подвижен предмет со намера противправно да го присвојат. Осомничените телесно го повредиле оштетениот откако со сериозна закана и со употреба на нож и на тврд подесен предмет го удриле во пределот на главата. По ударот жртвата паднала на земја, по што двајцата осомничени му ги врзеле рацете и нозете и сериозно му се заканиле дека непосредно ќе нападнат врз неговиот живот и тело ако не им ги даде сите пари што ги има. Осомничените одзеле 440 евра, а потоа повторно почнале да го удират оштетениот и го присилиле да побара од неговиот брат да му испрати парични средства преку Money Gram во износ од 2300 евра за да биде ослободен.

Во насока на непречено одвивање на кривичната постапка, јавниот обвинител кој постапува во предметот до Судијата на претходна постапка при Основниот суд Куманово поднесе Предлог за определување на мерката притвор за осомничените. Судот го уважи предлогот на Обвинителството и ја определи предложената мерка притвор во времетраење од 30 дена за двајцата обвинети“, се наведува во соопштението на Јавното обвинителство.

Би можело да ве интересира

На „Табановце“ се чека од 30 до 45 минути, а на „Пелинце“ за влез во земјава се чека околу 30 минути

Голем пожар крај Куманово: Изгореа куќа, сандаци за пчели и ниви со насади

Горан Наумовски

(ВИДЕО) Шукова: Нов скандал во МВР, милионски тендер за возачки испити заврши кај советник на ВМРО-ДПМНЕ

Горан Наумовски

На Табановце за влез и излез од државата се чека до 30 минути

На „Табановце“ се чека околу 30 минути

Горан Наумовски

Скопјанец украл кредитна картичка од познаничка и подигнал 1.700 евра