Вчера во раните утрински часови во угостителски објект во Скопје дошло до расправија помеѓу неколку лица, а во еден момент лице кое било вработено како обезбедување на рестораното извадило пиштол и упатувал навреди кон гостите со кои претходно имале вербална расправија, соопштија од полицијата.
Како што информираат од МВР на 01 јануари во 07 часот и 30 минути во СВР-Скопје 19-годишно момче од Скопје пријавило дека истиот ден околу три часот додека се наоѓал во угостителски објект на плоштад Македонија заедно со негови другари во еден момент дошло до недоразбирање со менаџерот на угостителскиот објект околу подмирување на сметката.
Надвор од објектот настанала расправија и во еден момент 50-годишниот скопјанец Д.А., лице од обезбедувањето, извадил пиштол и им упатувал навреди, додаваат од МВР.
По целосното расчистување на случајот ќе бидат поднесени соодветни поднесоци.