Припадници на Армијата на Република Македонија од составот на Полкот за специјални операции учествуваат на меѓународна теренска вежба „Заеднички предизвик 2017“ што од денеска до 6 јули се одржува во планинскиот полигон за обука „Липово“ во Црна Гора.
Покрај припадниците на АРМ, во вежбата учествуваат и единици од земјата домаќин, односно Црна Гора, и единици од Австрија.
За време на вежбата се очекува да се прикаже високо ниво на интероперабилност меѓу единиците на вооружените сили на трите држави при изведување на НАТО-водени операции за одговор на кризни ситуации/операции за поддршка на мирот, под мандат на ООН, што би се случувале во непристапна планинска средина.