Прихрана на животните во Национален парк „Пелистер“

Од:

Тимови на ЈУ Национален парк „Пелистер“-Битола вршат прихранување на животните во Националниот парк „Пелистер“.

Од ЈУ Национален парк „Пелистер“-Битола информираат дека во рамките на заштитата на животинскиот свет во Националниот парк „Пелистер“, секоја зима се организира прихранување на животните.

– Акцијата за прихранување на животните се врши на определени места за кои се смета дека се посетени од некои видови на животни и притоа се поставуваат извесни количини на храна или минерали и сол, што им помага на животните во услови на остра зима полесно да ја преживеат, истакна Пеце Цветановски, портпарол на ЈУ Национален парк „Пелистер“-Битола.

Прихраната на животните во Националниот парк се врши на четири локалитети, односно во атарот на Нижо Поле, под Пелистер, Вртешка и Брајчино, каде се поставени и распределени околу 90 килограми крупна сол, повеќе пакети со минерали, околу 80 килограми пченица, 50 килограми пченка и околу 15 бали со сено.

– Пченицата служи за да преживеат птиците, копитарите го користат сеното, минералите и солта, а за прихрана на дивите свињи се користи пченката. Доколку оваа зима се покаже како остра и сурова, веднаш штом се создадат услови на теренот, бидејќи на некои места снежната покривка е поголема од 50 сантиметри, ќе се изврши и дополнително прихранување, за што ние како јавна установа редовно издвојуваме средства за набавка на потребните материјали, потврди Цветановски.

Би можело да ве интересира

32-годишен кавадарчанец мачел животни, заработи кривична од ОЈО

76-годишен скопјанец е планинарот кој почина на Пелистер, потврди МВР

ВИДЕО: Возач во Виница влече врзано куче, во Штип човек со пушка стрела мачки

Орце Костов

(ВИДЕО) Млад скопјанец удира од земја и повредува мачка – Изживување врз животни во Лисиче

Орце Костов

Илјадници мртви фоки на дагестанскиот брег на Каспиското Езеро

Ана Ололовска

Падна првиот снег

Катерина Ѓуровски