Центарот за сузбивање на организиран и сериозен криминал – Одделот за недозволена трговија со дрога во содејство со Царинската Упрва на Р. Македонија реализира случај на недозволена трговија со наркотична дрога – марихуана со висок квалитет, при што се запленети околу 40 килограми марихуана, со што е пресечен меѓународен канал на релација од Р.Македонија-Р.Албанија-Р.Италија со крајна дестинација нарко пазарот во Швајцарија.
Вчера по претходно добиено сознание за можен транспорт на наркотична дрога на марихуана, околу 14,20 часот, на излез од Р.Македонија на граничниот премин Ќафасан од страна на полициски службеници од полициска станица за Ќафасан запрено е транспортно возило Ман влекач со охридски регистерски ознаки и приколка, управуван од Х.Л.(34) од Струга.
Потоа, со обезбедена Наредба од Истражен судија од ОС Струга извршен е преглед и претрес на горенаведеното транспортно моторно возило при што во приколката од истото, во легалниот товар во 19 собни врати, во специјално направен бункер, во внатрешноста на истите, пронајдени се 71 полиетиленско пакување правоаголна форма-пресувани, исполнети со наркотична дрога марихуана.
Подоцна околу 22,30 часот од слобода е лишен и Е.Д.( 41 ) од Струга кој е организатор на транспортот на марихуана.
Имено во почетокот на месец Февруари и текот на Март од засега непознато лице од Р.Албанија за неутврдена цена ја набавил марихуаната со цел истата да се транспортира на швајцарскиот нарко пазар.
Тој заедно со З.А.(31) од Струга, кој има привремен престој во Цирих, го ангажирале Х.Л. за да ја транспортита марихуаната по цена од 500 евра за еден килограм.