Познати кандидатите на ВМРО-ДПМНЕ за министри и заменици во техничката влада, МВР останува неизвесно

Од:

Рашела Мизрахи е предлогот на ВМРО-ДПМНЕ за технички министер за труд и социјална политика, a Цветан Трипуновски е предлог за нов заменик министер за земјоделство. За нов заменик министер за финансии ќе биде предложена Гордана Димитриеска Кочоска, a за нов заменик министер за информатичко општество и администрација e предложена актуелната пратеничка од ВМРО-ДПМНЕ Невенка Стаменковска Стојковски.

Рашела Мизрахи не е партиски кадар. Таа има докторирано на Универзитетот Бар Илан во Израел, каде станува доктор на науки по биохемија. Таа работела како консултант на Глобален Фонд во рамки на програмата за Туберкулоза во Република Македонија, на мониторинг на лабораторија во Израел, како и асистент на катедрата за Физиологија при Универзитетот “Св. Кирил и Методиј”, Скопје.

Трипуновски има работено во Министерство за земјоделство, шумарство и водостопанство како државен советник, а од 2015 до 2017 година ја извршувал функцијата директор на Државниот земјоделски инспекторат. Тој од 2008 година до 2012 година беше пратеник на ВМРО-ДПМНЕ во Собранието, а од 2017 е член на ИК на ВМРО-ДПМНЕ.

Димитриеска Кочоска е магистер по економски науки на Универзитетот „Св. Кирил и Методиј“. Таа била вработена во приватна компанија како финансиски консултант во областа на контролинг и финансии. Претходно работела во Стопанска Банка, во Македонски Телеком, во Министерството за финансии во Секторот за јавен долг, во одреден период е и директор за финансии во ЕЛЕМ, во времето кога со оваа компанија управуваше лидерот на ВМРО-ДПМНЕ Христијан Мицкоски.

Невенка Стаменковска Стојковски работела во Секретаријатот за европски прашања и во Агенцијата за странски инвестиции каде што била координатор на економските промотори, и работела на привлекување странски инвестиции. Таа е магистер по европско право и право на Европска унија.

Се уште е нејасно кој ќе биде технички министер за внатрешни работи, откако СДСМ побара друг предлог наместо полковникот Драган Ковачки.

Од СДСМ остануваат на ставот дека техничкиот премиер Оливер Спасовски нема да го предложи Ковачки за министер за внатрешни работи, но се надеваат дека ќе предложат друг кандидат.

Би можело да ве интересира

Мицкоски: Просечната плата треба да е уште поголема, некрофилите од опозицијата лажат дека платите не растеле

А1он

Мицкоски не кажува како ќе гласа ВМРО-ДПМНЕ за интерпелацијата за Коцевски, ама тој вели не ги менувал ставовите преку ноќ

ВМРО-ДПМНЕ: Пријавите против Митовски покажуваат дека тој не е жртва, туку локален шериф кој тепа граѓани

ВМРО-ДПМНЕ: Владата продолжува со инфраструктурен развој на државата

ВМРО-ДПМНЕ: Морбидно е да се слуша СДС како ликуваат за пожарите низ државата

(ВИДЕО) Манасиевски: Градоначалникот тепач од Крива Паланка, пред јавноста глуми жртва, а во суштина се однесува шерифски во општината