Огнените јазици утрово го зафатија студентскиот дом „Никола Карев“ во Охрид.
Предизвикана е материјална штета,а нема повредени лица.
Пожарот избувнал во пералната на објектот. Целосно се уништени две индустриски перални и две пегларки, како и голема количина постелнина.
Веднаш интервенираа три екипи на противпожарната единица од Охрид, при што пожарот е целосно локализиран, а лицата сместени во објектот безбедно беа евакуирани поради густиот чад во објектот.
Причина за пожарот најверојатно е заборавен вклучен електричен апарат.
Пред пренамената во студентски дом, објектот беше депанданс на хотелот „Палас“ во центарот на Охрид.
Во летните месеци овој објект се користи служи за сместување туристи.