Нестабилно облачно време со пороен дожд, грмежи и засилен ветер најавуваат метеоролози за денеска попладне.
Локално се очекува невремето да биде поинтензивно во форма на невреме со појава на град и електрични празнења, особено доцна попладне и во вечерните часови.
Температурата ќе се движи во текот на денот од 28 до 33 степени.
Од УХРМ посочуваат дека следува период на сончево и топло време. Утре ќе дува умерен до засилен северозападен ветер, а претпладне на места се уште ќе има зголемена облачност.